Bost mila lagun baino gehiagok gozatu dute Kultur Leioako auditoriumeko eta Ambigu aretoko programazioaz, urtarriletik ekainera bitartean. Tokira bertaratu diren zaleek aniztasuna eta kalitatea ezaugarri nagusi izan dituzten hogeita hamar bat ikuskizunez gozatu dute. Zinemaren atalari dagokionez, lehen seihileko honetako datuak "oso positiboak" izan direla jakinarazi dute arduradunek. Izan ere, 3.566 ikus-entzule izan dira. Ziklo bakoitzeko filmen eta ikus-entzuleen banaketa honako hau izan da: zineforuma, 21 film eta beste horrenbeste saio, 1.651 ikus-entzule; haurrentzako zinema, 7 film eta 13 saio, 1.143 ikus-entzule; zinema, 6 film eta 17 saio, 739 ikus-entzule; eta zinegoak, 2 film eta beste horrenbeste saio, 33 ikus-entzule. Argazkian, besteak beste, Lucrecia abeslaria izan da Kultur Leioan / © Leioa.net
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun