Zuzendaritzak eta sindikatuek adostutako aurreakordioa berretsi dute Metro Bilbao garraio enpresako langileek arratsaldeko batzarrean, Eitb.com agerkari digitalak aurreratu duenez. Era horretan, greba bertan behera geratu da. Jadanik goizeko batzarrak aho batez babestu du zuzendaritzak eta sindikatuek adostutakoa. Ondorioz, greba bertan behera utzi eta lan-gatazka bukatutzat jo dute langileek. Gatazkak hilabete eta erdiko iraupena izan du. Akordioaren arabera, gidariak 166 eta geltokietako ikuskatzaileak 182 izango dira metroa Basauriko erdialdera heltzen denean. Ikuskatzaile eta gidari kopuruaren inguruan akordioa duela zenbait egun lortu dute, Eitb.com-en arabera, baina gidarien lan-baldintzak kaskartzearen beldur ziren sindikatuak. Argazkian, langileek egindako elkarretaratzeetako bat / © LAB Metro Bilbao.
Goizeko batzarrean 60 bat lagunek parte hartu dute. Langile bakarra abstenitu egin da. Horrenbestez, metroko historian izan den grebarik luzeena amaitu da. Hilabete eta erdiko iraupena izan duen lan-gatazkari amaiera emateko itun bat sinatu zuten atzo sindikatuek eta zuzendaritzak. Denbora tarte horretan bi eta lau orduko bederatzi lanuzte egin dituzte metroko langileek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun