Jaiegun horrek bitxikeria bat du: haitzak eta baselizak Santa Mariñe izena badute ere, gurtzen den santua Santa Liberada da. Bere irudia Andra Mari elizako sakristian gordeta dago urte osoan, eta hilaren 20an beren-beregi ateratzen dute bertatik, baselizara igotzeko eta meza nagusiaren buru izateko. Diotenez, Santa Liberada, Santa Mariñe eta beste zazpi ahizpa santurekin batera jaio ziren, erditze berean, Baionan, II. mendean. Agian horregatik, Santa Liberada haurdunen eta erditze onen zaindaritzat hartzen da. Hori dela eta, haurdun dauden emakumeek berari egiten diote otoitz.
Egitaraua:
Uztailak 20, asteazkena
11:30 Irteera elizatik baselizara, Udal agintariak eta txistulariak buru direla. Herritar ugari bildu ohi duen ekintza da hau.
12:00 Meza eta ohorezko aurreskua.
13:00 Hamaiketakoa, fanfarearekin.
19:00 Jaitsiera Santa Marinatik Antsonekoa plazara, buruhandirekin eta 3 dantza-talderekin: Iratxo Gorria (Urduliz), anfitrioia bezala, Agurra (Algorta) eta Ikuskarri (Portugalete). Ondoren, herrira heltzerakoan, talde guztiek erakustaldia eskainiko dute Antsonekoa plazan.
21:00 Jaiaren amaiera, trikitilariekin eta txokolatadarekin.
Uztailak 23, larunbata
12:30 - 13:00 Tortilla-lehiaketan izena emateko epemuga.
14:30 Tortillen aurkezpena.
18:00 Tortilla lehiaketaren sari banaketa.
Urtero legez, etzi, asteazkenarekin, Santa Mariñe Eguna ospatuko dute Urdulizen. Gauzak horrela, urduliztarrek haitzetaraino igoko dira Santa Liberada gurtzera. Horrez gain, herrian zehar hainbat ekitaldi eta ospakizun izango dira egun osoan. Hala ere, aurten, lehenengo aldiz, Tortilla Lehiaketa larunbatean, hilak 23, egingo dute, "jendearen parte-hartzea sustatzeko asmoz", antolatzaileek jakinarazi dutenez. Lehiaketa bi kategoriatan banatuko dute: 16 urtera arte eta 16 urtetik aurrera. Parte hartzaileek hurrengo osagaiak bakarrik erabili ditzakete tortillak egiteko: patatak, arrautzak, olioa eta gatza. Argazkia: © Urdulizko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun