Kontzertuak bukatuta dantzaldia izango da Triki ta Ke taldearen eskutik. Asteartera helduta, Santa Ana egunean, ohiko ekitaldiak egingo dituzte: meza, hamaiketakoa, Simon Otxandategi dantza taldearen saioa eta zaldi probak, besteak beste. Bukatzeko, Erdizka Laietan taldeak emango die amaiera jaiei.
Uztailak 23, larunbata
11:00 Pregoia Berangoeta kultur etxean eta jaitsiera Santa Anaraino.
11:45 Berangoko I. Herri Krosa.
18:00 Euskal Herriko Soka Tira Txapelketa.
18:30 Haur eta gazte jolasak.
19:30 Eskuz binakako IV. Txapelketa. Finalerdiak.
20:30 Buruhandi txapelketa.
21:30 Suzko zezena.
23:00 Kontzertuak: Astindu eta Governors.
Uztailak 24, igandea
9:30 Diana.
9:30 Plater tiroketa.
11:30-14:30 eta 16:30-18:30 Sahararekin elkartasuna Atfal taldearen eskutik: henna tailerra, Saharako tea, haurrentzako jolasak...
18:00 Haur antzerkia: "3, 2, 1, Zast! Egizu Jolas!".
20:00 Bertso saioa: Jexux Mari Irazu, Sustrai Colina, Itxaso Paya eta Beñat Ugartetxea. Gai jartzailea: Nahikari Ayo.
22:00 Kontzertuak: The Karabans, Vendetta eta Triki ta Ke.
Uztailak 25, astelehena
9:30 Diana.
11:00 Txirrindularitza lasterketa.
12:00 Margolaritza tailerra kalean, haur zein helduentzat.
17:00 Haur ekintzak.
18:30 Tai ji erakustaldia.
19:30 Sokatira txapelketa herrikoia.
20:00 Sardina jana, sagardoa eta haurrentzako disko festa.
Uztailak 26, asteartea
9:30 Diana.
12:00 Meza.
13:00 Haur dantzaldia eta hamaiketakoa.
16:00 Haurrentzako jolasak: pitarra eta ludotxikia.
19:00 Zaldi probak.
19:30 Magia ikuskizuna: Tor magoa.
21:30 Erromeria: Erdizka Lauetan.
Uztailak 27, asteazkena
Prezio bereziak barraketan.
Governors eta Vendetta taldeek joko dute asteburuan Berangoko Santa Ana jaietan
Zalantza barik ez dute lan makala egin Berangon urte hasieran sortutako Kukullaga izeneko jai batzorde herrikoiko kideek. Bejon daiela! Gogoratu, iazko uztailaren hasieran jai batzorde herrikoia "disolbatzea" leporatu ziotela Anabel Landa alkate jelkideari herriko elkarteek. Hala ere, ez ziren besoak gurutzaturik geratu. Hilaren 23an, Berangotxu Rock jaialdia egin zuten Santa Ana auzoan, bertan festak zirela, jai herrikoiak aldarrikatzeko asmoz. Aurten Kukullagak antolatuko ditu Santa Ana zein Santo Domingo festak. Gauzak horrela, larunbatean hasiko dira ospakizunak aipatu lehenengo auzoan, lau egun alai igarotzeko asmoz. Gaueko kontzertuek ere garrantzi handia izaten dute aipatu jaietan. Larunbatea, Governors talde arrasatearra igoko da agertokira, aurretik Astindu izango duela. Igandean, berriz, Vendetta talde nafarrari helduko zaio txanda. Hori bai, The Karabans bandak jo ostean. Argazkian, Governors taldea Arabatakadan emandako kontzertuan / cc-by-nc-sa Gauilunak / Saioa Cabañas.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun