Izen-emateak ostiralean hasiko dira, 19:00etan. Bitartean, motor jolasak egingo dituzte. Ondoren, 21:30ean, kontzertua izango da, tartean txorizoa dastatzeko aukera egongo dela. Segituan, 23:00etan, bigarren kontzertuari hasiera emango diote. Larunbatean, goizeko 10etan egingo dute heldu berrientzako izen-ematea. Eguneko jarduerak 11:30ean hasiko dira. Ordu horretan, Astrabuduara hurbilduko dira motorzaleak, bertan ibilaldi-poteoa egiteko asmoz. Arratsaldeko ordu batean, Narcis Rocak erakustaldia egingo du San Lorenzo kalean. Katalanak Stunt Riding-a praktikatzen du. Espektakuluaren ostean, Akarlandara bueltatuko dira motorzaleak bazkaria egiteko, 14:30ean. 16:00etan, berriz, Jaime Bustos Europako trial txapeldunak egingo du erakustaldia; 17:00etan, Erandion barrena ibilaldia egin aurretik.
Omenaldia
Egitarauarekin jarraituz, 18:30ean, Jose Angel Mendivil pilotuari egingo diote omenaldia. Nafarrak Espainiako txapelduna izan zen bost urtez (1966, 1967, 1973, 1974 eta 1975) motokrosean, 125cc y 250cc kategorietan. Horren ostean, Narcis Rocak bigarren erakustaldia egingo du Akarlandan, 19:30ean. Amaitzeko, sariak banatuko dituzte ekimenean parte hartu dutenen artean.
Ostiral eta larunbat honetan, ehunka lagunek parte hartuko dute Erandioko Unbe mendian izango den motorzaleen topaketan. Aurtengoa, Astrabu motor klubak antolatzen duen laugarrena da. Akarlanda parkean, Euskal Herri zein Espainia osoko motorzale taldeak izango dira. Besteak beste, kontzertuak, sari banaketak, erakustaldian eta herrietan zeharreko ibilaldiak prestatu dituzte. Gainera, Jose Angel Mendivil pilotuari egingo diote omenaldia. Nafarrak Espainiako txapelduna izan zen bost urtez (1966, 1967, 1973, 1974 eta 1975) motokrosean, 125cc y 250cc kategorietan. Topaketan parte hartzeko, tokian bertan izena eman beharko da, 6 euro ordainduta. Akarlanda parkera bertaratutako lagunek euren kanpin dendak jartzeko tokia izango dute, bertan lo egin dezaten. Argazkian, 2008ko abuztuaren 9an dozenaka motorzale batu ziren Astrabuduako San Lorenzo jaietan, errepide bazterreko hesiek motor gidariei dakarkieten arriskuaz ohartarazteko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun