Getxoko Udaltzaingoak Bilbon bizilekua duen 43 urteko emakume bat atxilotu zuen atzo. Beraren kontra EAEko hiru hiriburuetako epaitegien aginduak zeuden eta 2010eko urriaz geroztik, baimen baten ostean, ez zen Langraizko espetxera itzuli, udal iturriek zehaztu dutenez. Badirudi, ordutik hona identitate faltsu bat erabili duela eta edozein izapide instituzional edo polizialetarako ematen zuela hori. Gaur epailearen esku geratuko da eta kartzelara itzuliko da. Algortako Etorbidetik saltokiak zaintzeko oinezko ohiko patruila egiten ari ziren udaltzainek ikusi zuten "itxura narrasarekin" eta poltsa beltz handiarekin "arin eta era susmagarrian" zebilen emakumea. Koordinazio Gunea inguruko supermerkatu batekin harremanetan jarri ondoren, emakumezkoak horretan segundo batzuez egon eta ezer erosi gabe arineketan alde egin zuela konfirmatu zuten poliziek, udal iturrien arabera, eta horrek susmoak piztu ei zituen.
Emakume gaztea Algortatik ibili zen eta, Sarrikobaso kaleko supermerkatu batetik pasatzerakoan, sartzeko asmoa agertu, baina azkenean damutu eta Bidezabalgo metro geltokira joan zen azkar. Udaltzainek nor zen egiaztatzea erabaki zuten eta poltsaren barruan kristalezko sei pote hegaluze eta bost lata aurkitu zituzten, tokiko iturrien arabera. Emakumezkoak aipatutako lehenengo supermerkatuan lapurtutakoak zirela aitortu omen zuen. Bere balioa 81,94 eurokoa zen. Andreak ez zeraman agiririk eta nor zen esan zien udaltzainei. Poliziak gezurretan zebilela susmatu zuen eta horregatik horien egoitzara eraman zuten, bere identifikazioa egiaztatu ahal izateko. Gestio batzuk egin ondoren, beste emakume batek bere identitatea erabiltzen zuelako aurkeztutako salaketa zegoela egiaztatu zuten. Horren etxera berak ezagutzen ez zituen gertaerengatik ebazpenak heltzen ziren. Azkenean, Udaltzainek atxilotutako emakumearen benetako identitatea egiaztatu ahal izan zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun