Urko Aristi ETBko eguraldi-gizonak gidatuta, bihar 17:45etik aurrera Kameratoia Euskal Herriko film laburren lehiaketaren Gala hartuko du Sopelako Kurtzio kultur etxeak. Ekimenaren antolatzaileak diren Topagunea Euskara Elkarteen Federazioa, Uribe Kostako Mankomunitatea eta Sopela, Urduliz eta Lemoizko udalek jakinarazi dutenez, dagoeneko "epaileak izerdi patxetan dabiltza saria nori eman erabakitzeko". Halere, Iban del Campo eta Vanessa Fernandez unibertsitate irakasleen zein Hibai Castro zinegilearen erabakia ezagutzeko bihar arte itxaron beharko da, aurkeztutako ikus-entzunezkoen emanaldiarekin gozatu ostean, sari-banaketa egingo baita. Uztailaren 9an abiatu zen lehiaketa Urdulizen. Bertan, antolatzaileek eskualdeari buruzko hainbat gai eman zieten 19 gazte euskaldunen talderi eta haiek bost egun izan zituzten gidoi, filmaketa eta ekoizpen lanak burutzeko. Hamar taldek lortu zuten. Argazkian, hainbat parte hartzaile Urdulizen / cc-by-sa Aner Mentxaka - Kameratoia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun