Datorren ikasturtean euskalduntzen ez duen eredua aztertu behar ez izateko dekretua aurkeztuko du Jaurlaritzak orain. B ereduko ikasleak, orain arte D eredukoak bezala, euskara gaitasuna aitortzen duen ziurtagiria lortzetik salbuesteko proposamena.
Euskaraz bizitzeko bidea egin behar dugu, badakigu horretarako euskarari lehentasuna eman behar diogula maila guztietan. Eta badakigu ere, bide hori ez egiteko harriak jarriko dizkigutela, eta jaurtiko dizkigutela ere. Jaurlaritzak harri bete zaku du horretarako, eta hezkuntza-sisteman egiten ari diren aldaketek Euskal Herria asimilatzeko, espainolizatzeko beste tresna edo urrats bat baino ez da.
Irakaskuntzan egin asmo dutena ezagutu eta aste betera Rafael Bengoa Jaurlaritzako Osasun sailburuak eta Julian Perez Osakidetzako zuzendariak beste harri bat bota digute. Herritarrok askotan salatu izan dugu Osakidetzak euskaldunon eskubideak etengabe urratzen dituela, Hizkuntza Eskubideen Behatokiak berak ere, 10 urte daramatza osasun publikoko diskriminazioa kudeatzen. Lan deialdi publiko guztietan agerian laga izan dute zein den euskarari eta administrazioa euskalduntzeari ematen dieten garrantzia. Bengoak berak esan du “Euskara ez dela arazoa, langileentzat arazo bihurtzen dena euskararen aldeko diskriminazio positiboa egiteko abiadura dela". Benetako arazoa Osakidetza euskalduntzeko borondate falta denean.
Argi daukagu kontrako bidea egin nahi dugula. Euskaraz bizitzeko bidea aurrera, eta kontrara herri hau asimilatzen eta menperatzen jarraitzea.
Horregatik, euskaldunok hartu behar dugu euskaraz bizitzera eramango gaituen bidea egiteko erabakia. Euskal Herria, eta bertako administrazioak espainolitoen esku dauden bitartean bertatik aldeko pausorik etorriko ez delako.
Igone Lamarain, EHEko kidea
Igone Lamarain (EHE): "Azkeneko asteotan Eusko Jaurlaritzak hartutako erabakien inguruan"
Eusko Jaurlaritzak berak hizkuntza ereduen sistemak porrot egin duela aitortu zuen, A, B eta D ereduek euren helburuak bete ez dituztela eta euskalduntzeko balio ez dutela. Euskal Herriko eragileok ere, milaka herritarrokin batera, ereduen sistema gainditu, eta eskolak euskalduntzeko sistema beharrezkoa dela adierazi eta aldarrikatu izan dugu. Orain bi urte, Jaurlaritzaren aldaketarekin batera, eredu hirueleanitzaren proposamena ezagutu genuen. Aurreko Jaurlaritzak porrota aitortu bazuen ere, proposamen berriak aurrerapausoak baino atzerapausoak ekarriko dituela salatu izan dugu. Argazkian, Isabel Celaa Araba, Bizkaia eta Gipuzkoako Hezkuntza sailburua / cc-by-nc-sa Agirregabiriaa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun