Gaztehgam: "Agur eta ohore Brazda! Memoria, duintasuna eta borroka!"

Rudolf Brazda zendu da asteazkenean. Bigarren Gerra Mundialean nazien kontzentrazio eremuetan bahituta egondako eta bizirik zegoen azken kidea 98 urterekin hil da Bantzenheim-en (Frantzia). Hileta astelehenean (gaur) izango da. Birritan egon zen espetxeratua eta azkenik Buchenwald-eko nazien sarraski eremura eraman zuten 1942an beste gizonezko batekin harremanak izateagatik. 32 hilabete eman zituen bertan, torturak, lan behartuak eta bere lagunen eta kideen heriotza sufritzen. “Hiruki arrosa baten ibilbidea” liburuaren idazleetako bat izan zen 1945. urtean askatu zuten arte. Bere espetxealdian zehar, hiruki arrosa eramatera behartuta egon zen bera eta nazien esku kontzentrazio eremuetan egondako gay guztiek. Egun, sexu askapenerako mugimenduak ikur horiek bereganatu ditugu bera bezalako ehunaka pertsonek bizitako sufrimendua gogora ekartzeko, bera bezalako duintasunez betetako lagunak inoiz ahaztuak izan ez daitezen.