Plentziako kanpaldian eskura daitezke Gorlizko Gazte Eguneko bazkarirako txartelak
Plentzia eta Gorlizko Gazte Asanbladak jakinarazi duenez, etzi, ostegunean, Gorlizen ospatuko duten laugarren Gazte Egunaren herri bazkarirako txartelak Plentziako udaletxe aurrean jarritako "akanpalekuan" eskura daitezke. Izan ere, hasiera batean horretarako gunea Ermitatze gaztetxea bazen ere, ertzainek eta udaltzainek atzo goizean etxe okupatua hustuarazi ostean, bertara bideratzea erabaki dute Plentzia eta Gorlizko Gazte Asanbladako kideek. Txartelak hamar eurotan eskura daitezke. Bestalde, abordaiarako baltsak egiteko puzgarriak egunean bertan erosi ahal izango dira, goizeko 10etatik aurrera. Tokiko gazteek Gazte Egunera hurbiltzeko deia luzatu dute "desalojoari ahalik eta erantzun handiena emateko". Argazkian, atzo arratsaldean hasi zuten Ermitatze gaztetxea hustu izanaren kontrako kanpaldia Plentziako udaletxearen aurrean.
Gorlizko IV. Gazte Egunaren egitaraua
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun