Desafioari dagokionez, batetik, enbor etzanak ebaki beharko dituzte aizkolariek. Fizek eta Salvadorrek, berriz, zehaztutako distantzia ahalik eta denbora gutxienean egin beharko dute korrika. Ondoren, zutikako enborrak aizkoraz zein aitzurraz mozten arituko dira lehenengoak. Amaitzeko, Fizek eta Salvadorrek ere egingo dute trontzalari lana, bikoteak horretan adituak diren herri kirolariekin osatuz.
Andra Mari jaiak Erandio Landan
Abuztuak 14, igandea
22:00 Saihets erre dastaketa.
23:00 Gaupasa DJ Txitxorekin.
05:00 Kupel ustea.
Abuztuak 15, astelehena
10:30 Txupinazoa.
10:30 Nekazaritza azoka.
11:00 Baserriko jolasak aita-sementzako.
11:30 Auto zaharren erakusketa.
12:00 Meza.
12:30 Goi Alde dantza taldea.
13:00 Desafio Ikusgarria!
14:30 Sari banaketa.
15:00 Jai bukaerako txupina.
Aizkolari eta trontzalariekin neurtuko dituzte indarrak Martin Fiz eta Jon Salvadorrek Erandio Landan
2011ko abu. 11a, 13:24
Ohi bezala, nekazaritza azoka hartuko dute abuztuaren 15ean, astelehenarekin, Erandio Landako Andra Mari jaiek. Besteak beste, barazkiak, kontserbak, eztia, landareak, ogia, euskal pastela, gazta, txakolina eta txokolatea egongo dira salgai bertan. Horretaz gain, beraien lanak erakutsiko dituzte hainbat artisauk eta taloa txorizoarekin dastatzeko aukera izango da, tokian jarritako txosnan. Hala ere, berrikuntzarik badauka aurtengo nekazaritza azokak: Martin Fiz eta Jon Salvador maratoi lasterkariek indarrak neurtuko dituzte aizkolari zein trontzalariekin. Herri kirolak bultzatzea da helburua, baita Erandio Landako nekazaritza azoka ere, udal iturriek zehaztu dutenez. Argazkian, Saharako lasterketan biharren egin du aurten Jon Salvador korrikalari eta ertzain erandioztarrak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun