EAJren aburuz, jarrera horren aurrean, Lopezen Gobernuak eta PPk Administrazioaren beraren baliabideak erabiltzea erabaki dute euskararen garapena geldiarazten saiatzeko eta hizkuntza-normalizazio osoa galarazteko. Horrela jokaturik, 30 urtetik gora iraun izan duen adostasun sozial eta politikoa hautsi dute.
EAJren ustez, PSEren eta PPren arteko ituna dela medio, euskal kulturaren arlo guztien aurkako borroka etengabearen beste emaitza bat da erabaki hori.
Euzko Alderdi Jeltzalea
Euzko Alderdi Jeltzalearen iritziz, Eusko Jaurlaritzak hizkuntzaren alorrean hartu duen azken erabakia hizkuntza-normalizaziorako atzerapauso ikaragarri handia da; izan ere, erabaki horren arabera, euskara merezimendu huts-hutsa izango da Eusko Jaurlaritzarako hurrengo oposizioetan. Erabaki horrekin, Lopez lehendakariaren Gobernua euskara baztertzen ahalegindu da, bigarren mailako hizkuntzatzat jotzen baitu. Jarrera honek ahaztutzat geneuzkan garai ilunak gogorarazten dizkigu. Hain zuzen ere, gizarteak euskara lehenesten duten hizkuntza-ereduak aukeratzen ditu, gero eta gehiago. Argazkian, Patxi Lopez EAEko lehendakaria iaz Leioako Artatza Jauregian / cc-by Irekia.net - Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun