Berangoko batzokian Espainiako polizia bat hil zuteneko 17. urtemuga beteko da gaur
1994ko abuztuaren 21ean, Jose Santana Ramos Espainiako polizia nazionala hil zuen Berangoko batzokian ETA erakundeak. Arratsaldeko 19:45ak aldera, Santana hiru lagunekin kartetan jokatzen ari zenean, gizon eta emakume bana lapurtutako taxi batetik irten eta Sabino Arana kaleko EAJren egoitzan sartu ziren. Gizonezkoak poliziarengana hurbildu ostean bi tiro bota zizkion buruan, unean bertan heriotza eragin ziola. Atentatuaren eraginez, karta partidan zebilen beste gizon bat, Jose Benedicto Herrero Hernandez, 71 urtekoa, eta beste bi pertsona zauriturik suertatu ziren. Herrerok lau hilebete t'erdi eman zuen Gurutzetako ospitalean. Santana Huelvako (Andaluzia) Minas de Riotinto udalerriko semea zen eta Santurtziko portura bidali zuen Espainiako Polizia Nazionalak. 37 urte, hiru seme-alaba eta ertzaina zen emaztea zituen. Argazkian, atentatuan laguntzea leporatu zioten Aitor Boresen irudia ezkerrean, Urko Labeagaren argazkiaren alboan / cc-by-sa Gari Garaialde - Zuzeu.com.
Atentatutik hiru urteetara, Espainiako Auzitegi Nazionalak Jose Luis Martin Carmona eta Lourdes Txurruka Medinabeitia zigortu zituen, hilketa burutu zutela leporatuta, 30 urteko espetxe zigor bana ezarriz. Biak 1994ko azaroaren 18an atxilotu zituzten, Loiuko tiroketan. Bertan, Txurrukak tiro bat jaso zuen toraxean. 1999an, Aitor Bores Gutierrez sopeloztarrari ere 14 urteko zigorra jarri zioten atentaturako informazioa bildu eta Martin eta Txurrukan etxean gorde zituelakoan. Azkenik, 2003an, Gorka Martinez Ahedo urduliztarrari ere zigorra ezarri zioten atentatuan laguntza eman zuela egoitza. 17 urteko espetxe zigorra jarri zioten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun