![](http://farm4.static.flickr.com/3563/3461789579_bd8bea7dc3_m.jpg)
Getxo udalerriko
Bizarra Lepoan euskara elkarteak antolatuta, irailaren 14an, asteazkenarekin,
Pirritx, Porrotx eta Marimotots izango dira Areetako Xake plazan. Bi saio eskainiko dituzte: lehenengoa, 16:30ean; eta bigarrena, 19:00etan. Sarrerak bihartik aurrera egongo dira salgai. Bizarra Lepoaneko bazkideek bina sarrera edukiko dituzte 3 eurotan (euskara elkartearen bulegoan bakarrik); gainontzekoek 4 euro ordaindu beharko dituzte sarrera bakoitzeko. Horrenbestez, ondokoak dira salmenta puntuak eta ordutegiak: Bizarra Lepoanen bulegoan (Martikoena kalea 16, 2. solairua 4. bulegoa / Algorta) goizez, egunero, 11:30etik 14:00etara. Eta hilaren 6an eta 8an, 17:00etatik 18:30era. Kukupraka ludotekan (Eskoletako plaza, Areeta / 944 660 355), berriz, hilaren 6an eta 8an, 17:00etatik 19:00etara salduko dituzte txartelak. Eta 7an, 9an eta 12an 10:30etik 12:30era. Argazkian, Porrotx.