![](http://farm3.static.flickr.com/2102/2494774355_a39c7c83d2_m.jpg)
Getxo udalerriko
Bizarra Lepoan euskara elkarteak, urtero bezala, begirale ikastaroa antolatu du. Ikastaroak 200 ordu teoriko eta 120 ordu praktiko izango ditu, bi ikasturtetan banatuko direnak. Parte hartzeko baldintzak hauek dira: 18 urte beteta izatea, edo 2011ko abendua baino lehen betetzea; eta elkartegintzarekiko konpromisoa ziurtatzea edota elkarte baten partaidea izateko asmoa erakustea. Ikastaroarekin ume eta gazteekin lan egiteko gai izango diren begiraleak trebatu nahi dituzte. Halaber, astialdiko heziketan hausnarketa eta marko teoriko baten ezagupenari hasiera ematea eta ikaslea hausnarketa eta autokritikarako prestatzea dute helburu. Urte bakoitzeko 155 euro ordaindu beharko dira (aterpetxeen prezioa ez dago barne). Matrikulazio epea Irailaren 12tik 30era arte egongo da zabalik, goizeko 9:30etik 13:30era. Ikastaroetan izen-ematea Bizarra Lepoan elkartearen Algortako bulegoan egin beharko da (Martikoena kalea 16, 2. solairua, 4. bulegoa / telefono zenbakia: 944 910 387). Horretarako DNI fotokopia, argazki bat eta bankura dirua sartu beharko dute interesatuek. Argazkian, begirale bat hainbat umeekin.