Ipar Euskal Herriko kostaldeko eskaintza turistikoa aurkeztuko dute larunbatean Algortan
Terre et Cote Basques elkarteak bere eskaintza turistikoa aurkeztuko du larunbat honetan, irailak 10, Algortako Telletxe plazan. Goizeko 11etatik 19:00etara bitartean produktu gastronomikoak (euskal pastela, Izarra eta Sagarno...) dastatzeko aukera izango da. Zozketa bi ere egingo dituzte aipatu lekuan bi lagunek, eta bikote batek bi umerekin, asteburu batez gozatzeko aukera izan dezaten. Getxo udalerritik ia bi ordura baino ez dagoen tokian 12 herri xarmangarri “aurki” daitezke, itsasoa eta mendiaren artean, hala nola, Ahetze, Ainhoa, Arbona, Azkaine, Biriatu, Getaria, Hendaia, Donibane Lohitzune, Sara, Senpere, Urruña eta Ziburu. Asteburu eta jai-zubiko bidaiatxoak direla eta, kalitatezko gastronomia, bisitatzeko leku ugari eta askotariko ostatuak ere eskaintzen dituzte. Argazkian, Emma Tortes Saint-Jammes Terre et Cote Basques elkarteko presidenteak eta Itziar Epalza Getxoko Udaleko Turismo, Merkataritza eta Enplegu Zerbitzuko zinegotziak aurkeztu dute ekimena, Josu Loroño Komunikazio zinegotziarekin batera / © Getxoko Udala.
Itziar Epalza Getxoko Udaleko Turismo, Merkataritza eta Enplegu Zerbitzuko zinegotziak eta Emma Tortes Saint-Jammes Terre et Cote Basques elkarteko presidenteak larunbatean, hilak 10, Algortako Telletxe plazan izango den jarduera turistikoa aurkeztu dute gaur prentsaurrekoan. Udal arduradunak azpimarratu duenez, “hurbiltasun geografikoa, harreman historikoak eta kulturalak, kirola edo biztanleen zaletasunak beti izan ditugu oso hurbil, baina, askotan, herri anaia horiek uste baino gutxiago ezagutzen ditugula onartu behar dugu”. Ildo horretan, iaz Bizkaia Euskal Kostaldea elkarteak, 13 udalerriz osatuta dagoena, Donibane Lohitzunera bere eskaintza turistikoa aurkeztera joan zen. Ordukoan, Getxok “Ihesaldi kulturala” izeneko eskaintza sustatu eta bere irudia eta ezaugarriak ezagutzera eman zituen publizitate foiletoen eta bertoko mapen bitartez. Emma Tortes Saint-Jammes Terre et Cote Basques elkartearen presidenteak eta Donibane Lohitzuneko alkateordeak nabarmendu duenez, “Iparraldeko zonalde hori Getxotik, autoz, ia bi ordura baino ez dago eta urte osoan kulturaz, kirolaz eta gastronomiaz disfrutatzeko aukera eskaintzen du”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun