Aitxu! eta Egizu!k antolatutako berba-txangoen egutegia
• Irailak 11, igandea: Uribe Kostako biologia (hegaztiak eta landareak).
• Urriak 9, igandea: Uribe Kostako kosta, portuak eta arrantza.
• Azaroak 12, larunbata: Uribe Kostako mitologia.
Sopelako Aitxu! euskara elkarteak antolatzen dituen berba-txangoetara gehituko da hemendik aurrera Getxo udalerriko Egizu! taldea. Gauzak horrela, igande honetako Uribe Kostako hegazti eta landareei buruzko txangoan hasita hiru txango antolatuko dituzte batera aurten. Bakoitzean gai bat ardatz hartuta, hizlari edo gida baten laguntzarekin irteera bat egingo dute gai hori lantzeko. Irteera horietan edozein euskaldunek hartu ahal izango du parte, beti ere 20 bat lagunetako taldea osatu arte. Irteera gehienak hilaren bigarren igandean izango dira, goiz batekoak, Uribe Kostan, doan, eta egongo da zer jan eta edan bisitaren amaieran. Txango horiek ez dira mendi-ibilbideak izango eta egin beharreko distantzia oso luzea denean, autobusa edo bestelako garraioren bat erabiliko dute. Argazkian, Egizu!-ko hainbat berbalagun Baltzolan egindako txango batean / cc-by Egizu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun