Getxoko Galea gotorlekuan hainbat pintaketa agertu eta "hondatzen" dabilelakoan, Getxoko Udalaren "utzikeria" salatu du udalerriko PSE-EEk. Luis Almansa bozeramaileak eman du udan agertutako pintaketen eta "hondatze prozesuaren" berri eta horiek konpontzeko "premiazko neurriak" eskatu ditu, gotorlekuaren "biziraupena bermatzeko". Bere ustez EAJko udal arduradunek "alferkeria eta utzikeria" agertu ohi dute gotorlekuarekiko. Almandsaren ustez "getxoztar guztion memoria kolektiboaren parte" eta "udalerriko ikurretako bat" da aipatu babes eraikina. Hori dela eta "jabegoaren aurkako eraso berriak ekiditeko" neurriak eskatu ditu. Gainera, gunearen "duintasuna eta balioa gordetzeko betebeharra" Udal Gobernuaren bizkarrean jarri du. Hortaz, Udaltzaingoa bertatik gehiago patruilatzea nahi dute PSE-EEkoek. Bestalde, kezka agertu dute balizko harri-jauzi baten aurrean eta garbiketa operazioez haragoko ekimenak eskatu dituzte. Azkenik, Galeko gotorlekuarekin gertatu bezala, Begoñako jauregiak ere EAJk ondare publikoa zelan hondatzen uzten duen frogatzen duelakoan dago Almansa. Argazkia: © Kr3stO - Getxoko PSE-EE.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun