Era berean Uralde-k bi alderdi nagusiei eskatu die "zentral nuklearren inguruan dituzten planak argitzeko. Hauteskundeetarako kanpainak hasi baino lehen garbi kontatu behar digute zein izango da bere portaera gai horren inguruan".
Equok Espainiako zentral nuklear guztien itxiera defendatzen du, Garoñakoarekin hasiz, Estatuko zentralik zaharrena.
"Ikerketek frogatzen dute nuklearrik gabeko etorkizuna posible dela, baina horretarako borondate politikoa behar da, Alemanian gertatu den bezala. Iritsi da momentua beste eredu energetiko bat planifikatzeko, berriztagarrietan oinarritua, erregai fosilik eta nuklearrik gabeko etorkizun gertua ahal izateko", Uralderen hitzetan.
Equo: "Frantzian izandako istripuak industri nuklearraren arriskua frogatzen du"
Equoren ustez, atzo goizean Frantziako gune nuklear batean izan den istripuak, hildako bat eta hainbat zauritu sortu dituenak, Fukushima-ko istripua eta sei hilabete geroago, frogatzen du industri nuklearra ez dela segurua eta %100 berriztagarria den etorkizun baterantz aurre egin behar dugula lehen baino lehen. Juan Lopez de Uralde, Equoko bozeramailearen esanetan: "istripu hau industri nuklearraren porrot berri bat da eta frogatzen du hondakin erradioaktiboen kudeaketa bere arriskuak badituela". Uralderen esanetan: "informazio gehiegi ez izan arren eta industri nuklearraren inguruan gardentasun falta izan arren, egia da istripu larria izan dela, hildako bat eta hainbat zauritu sortu dituenak". Argazkian, Lemoizko zentral nuklearra.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun