Itzubaltzetako kultur etxe berriaren proiektua berraztertzea eskatu du Getxoko oposizioak

Getxo udalerriko PP, Bildu eta PSE-EEk bat egin zuten pasa den ostiralean Udalak Itzubaltzeta / Romoko kultur etxe berriaren egitasmoa berraztertu dezan eskatzeko. Batera, baina nahasi gabe, PPko Marisa Arrue, Eduardo Andrade eta Raquel Gonzalez, Bilduko Roberto Martin eta PSE-EEko Luis Almansa eta Agustin Ruiz zinegotziak izan ziren "Kultur etxea bai, etxe orratzik ez!" lelopean Areetako Xake plazan antolatutako elkarretaratzean. Itzubaltzeta / Romoko hainbat auzokidek deituta, 80 bat pertsonak hartu zuen parte, nahiz eta dozenaka gehiagok hurbildu eta egungo proiektua txikiagoa egin dezaten bere sinadura eman zuen. Dagoeneko, 500 lagunek babestu dute egitasmoa berraztertzeko eskaera. Era berean, auzokideek UKBERRI.NETi adierazi bezala (mp3), litekeena da auzokideek ostiralero kalera ateratzea babes gehiagoren bila, "Udalak hiritarren iritzia zein den jakin" dezan. Argazkian, auzokide batzuk bere sinadura ematen.