Cony Carranzak, El Salvadorreko soziologoak dinamizatutako tailerrak datorren urriaren 15ean hasiko dira. Zortzi saio iraungo dute eta aldizkako larunbatetan izango dira, 17:00etatik 20:00etara, Gizarte Zerbitzuek Algortako Urgull kalean duten egoitzan.
Izen-ematea udalerriko Herritarren Arretarako Bulegoetan egin ahal izango da. Argibide gehiagorako 944 660 151 telefono zenbakira dei daiteke eta, berritasun bezala, azalpenak emateko bilera egingo dute urriaren 1ean, larunbatean, arratsaldeko 6etan Emakumeentzako Jabekuntza Eskolako lokalean, Algortako Martikoena kaleko 16 zenbakian, osasun zentroaren ondoan. Haurtzaindegi zerbitzua egongo da, aurretik eskatuz gero.
Etzidamu, ostiralarekin, Emakume Etorkinentzako Formakuntza eta Topaketa Tailerretan parte hartzeko izena emateko epea zabalduko dute. Doako tailer horien helburua emakume etorkinei topaketarako gunea eskaintzea da, bertan, "elkarrekin beren istorioez hitz egin eta gogoeta egin dezaten, tartean beren bizi baldintzei, zailtasunei, zalantzei, nostalgiei, pozei, amets eta esperantza berriei buruz", Getxoko udal iturriek zehaztu dutenez. Besteak beste, honako gaiez mintzatuko dira: migrazio prozesua, amatasuna bizitzeko era berriak, lan eskubideak, sexualitatea emakume gisa, indarkeria matxistaren aurkako borroka eta errekurtso publikoak eta pribatuak. Argazkian, emakumezkoek eta bereziki emakume etorkinek egun pairatzen duten "behin-behinekotasuna" salatu zuten iazko martxoaren 8an eskualdean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun