Kutxa Bank-erako adostu den integrazio prozesuak bankarizazioa dakarrela salatu du Aralarrek. Hala, "bankarizazioaren alde ilunenak ekiditeko konpromiso irmoagoak" behar direla azpimarratu du. Banku negozioaren profesionalizazioak Kutxa Bank-en helburu eta estrategia logika konpetitibo hutsetik bideratzea ekarriko du, eta hori konpentsatzeko prebentzio mekanismoak oso ahulak direla uste du Aralarrek, "borondate hutsaren eremuan geratzen direnak, alegia".
Obra sozialari eustea eta kapital sozialararen ordezkaritza eta kontrolari eustea, espreski baldintzatzen zaio normatibek, bestelako organoek edota Administrazioek agintzen dutenaren baitan baldintzatua geratuko dela. Bermerik gabe geratzen da, beraz, batari zein bestea indarrean mantendu ahal izatea.
Horrez gain, Kutxa Bank-eko gobernu organoa "profesionalizatu" egiten dela uste du Aralarrek, eta horrekin, "bere gaineko kontrol publikoa eta soziala ezereztatu".
Bankarizazioa legeak behartzen duen arren, beste alternatiba batzuk egon badaudela nabarmendu nahi du Aralarrek: kreditu kooperatiba, banka etikoa... "Gainera, egon badaudela onartzen dute, aztertu dituztela esaten baitute". Zentzu horretan, eztabaida alternatiba gabezira eraman dutela salatu du Aralarrek.
Kutxen bategiterako Kutxa Bank-en integrazio prozesuaren edukiak egunotan aztertu ondoren, Aralarrek ez du berme nahikorik ikusten kutxek duten helburu sozial eta ekonomiko-produktiboak dauden horretan mantentzeko, eta horregatik, ezezkoa emango dio kutxen bategiteari. Aralar beti agertu da Hego Euskal Herriko lau kutxak bat egitearen alde, erakunde hori funtsezkoa izan behar delako naziogintzan, "baina beti ere kutxek egun duten izaera soziala mantenduta eta, ahal dela, indartuta". Aralarren ustez, adostu den integrazio prozesuko edukiak "oso kezkagarriak" dira, bermerik eskaintzen ez duelako; hau da, "adostu diren izaera sozialeko edukiak erabat baldintzaturik daude legeak goi-organoek eta administrazioek agintzen dutenei". Argazkian, aurtengo Bertsolari Gazteen BBK Sariketa, euskara arloan BBK-k mantendu duen gizarte ekintza bakarrenetarikoa / © BBK.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun