Etzi, larunbatarekin, Nekazaritza Ekologikoaren eta Energia Berriztagarrien VI. Azoka egingo dute Algortako Telletxe plazan. Ekolur Bizkaiko Nekazaritza Ekologikoaren Elkarteak antolatuta, goizeko 10:00ak eta arratsaldeko 3ak bitartean izango da ekimena. Bertan, 50 bat ekoizlek, gehienak Euskal Herrikoak, hainbat produktu ekologiko, hala nola frutak; barazkiak; behi, ardi eta ahuntz gaztak; marmeladak; ogia eta pastelak; ardoa; kontserbak; eztia; olioa etc. erakutsiko eta salduko dituzte. Plazara hurbiltzen direnek talo eta txorizo ekologikoa dastatu ahal izango dituzte bertoko ardoa eta sagardoarekin, eta hainbat tailerretan parte hartu ere. Halaber, azokan hainbat ekoizlek bisitariei bioeraikuntzaren proiektuak egiteko dauden material ezberdinak, energia ekoizteko energia berriztagarriak eta beste hainbeste aukera ekologikoak erakutsiko dizkiote. Argazkian, azoka aurreko edizio batean / © Getxo.net.
Ekolur elkartearen arabera, nekazaritza ekologikoaren inguruan antolatzen diren topaketak mota honetako nekazaritzan gero eta nekazari gehiagok parte hartzen dutelako ospatzen dira eta baita kontsumitzaileek ingurugiroa errespetatzen duen kontsumo arduratsua eta osasuntsu egiteko gero eta kontzientziatuago daudelako ere. Argibide gehiagorako Ekolurrera deitu daiteke 660 358 115 telefono zenbakira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun