Bertoko Ondarreta Ondarreta abesbatzak emango dio hasiera jaialdiari, habaneren eta itsas kantuen errepertorio zabala erakutsita. Taldearen jarduera 1975. urtean hasi zen eta genero guztiak jorratzen dituen errepertorioa eratu du. Abesbatzak honako artista hauekin aritu da elkarlanean: Yoko Watanabe, Cornelio Murgu, José Antonio Urdiain, Andreas Nack, Raquel Pierotti, John Rawnsley, Paat Buurchuladze eta Michael Chance, besteak beste. Halaber, hainbat orkestrekin ere jardun da. Horien artean Bilboko eta Euskadiko orkestra sinfonikoak, Pomeraniako Orkestra Filarmonikoa eta Cracoviako Irrati Telebista Nazionaleko Orkestrarekin aipatu behar dira.
25. urteurrena
Bestalde, Vallaparadis taldea 1986an sortu zen. Horren errepertorio zabalaren barruan era tradizionalean interpretatzen den herri-habanera zaharra zein egungo habanera daude, vals alaiak, sardana, tabernako kantak eta itsas-abestia ahaztu gabe.
Amaitzeko, azken jardunaldian, Valladolideko Habana Clam taldea ariko da Getxon. Hirukotea sortu zenetik, Gaztelako habanera izan da bere lanaren ardatz nagusia. Hala ere, beste estiloak ez ditu atzean utzi: herri habanerak, egile-habanerak eta taldeko kideak idatzitako habanerak ere. Musika mota honen ortodoxia errespetatu du taldeak, baina aldi berean, habaneren bertsio eta moldaketa propioak ere egin ditu. Generoaren inguruko ikuspegi berezi horretatik sortu da taldearen egungo ikuskizuna, "La habanera a nuestra manera". Horretan, "barneko habanera" da erabateko protagonista.
Itsas Azoka
Kontzertuez gain, aurten bisitariek Itsas Azokaz gozatzeko aukera izango dute. Besteak beste, Areetako Xake plazan itsaskiak, bakailaoa eta kontserbak erosi ahal izango dira. Azokaren ordutegia honako hau izango da: 17:00etatik 22:00etara.
Habanera zaleek gaur iluntzeko 8etatik aurrera eta igandera bitartean Getxoko Habanera Jaialdien itsas doinuez gozatu ahal izango dute Areetako Xake plazan, ohi bezala. Gainera, aurtengoa ez da edozein edizioa izango, Getxoko Kultur Etxeak eta inguruko musikazaleek marinelen abestiekin ezkondu zireneko 25. urteurrena baizik. Zilarrezko ezteiak ospatzeko, 25 urte ere egin dituen Vallparadis Herrialde Katalanetako taldea izango da oholtzaren gainean. Bere txanda bihar helduko da, larunbatarekin. Izan ere, Areetako bertako Ondarreta abesbatzak izango du jaialdia irekitzeko ardura eta igandean Espainiako Habana Clam taldeak jarriko dio amaiera. Ohi bezala, saio guztiak 20:00etan hasiko dira eta sarrera doakoa izango da. Halaber, jaialdia dela eta, itsasoko produktuen azoka egongo da. Argazkian, Vallparadis hirukotea / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun