Igandera arte dago Erandion eta Leioan kaleko musikaz gozatzea

Jatorri eta herrialde oso ezberdinetatik heldutako hamabi musika bandak eta ehun musikari baino gehiagok entzungai dira asteburu honetan Erandio eta Leioan. Izan ere, Basauri, Sestao eta Ermuarekin batera udal horiek antolatu duten Musikale jaialdiaren XI. edizioan, Muthiko Alaiak fanfarrea da Euskal Herriko ordezkaritza bakarra. Herrialde Katalanetatik Brincadeira, Sedajazz eta New Orleans Pussycats dira etorritakoak. Galiziatik, ordea, La Magnifique Bande Dos Homes Sen Medo-k zabalduko ditu bere doinuak. Espainiatik etorriko dira talde gehien, El Cuarteto Maravilla, La Parrus Dixie Band eta Mastretta bandei Millon Dollar Mercedes Band gehitzen badiegu. Taldekideak Madrilen bizi arren, Balkanetakoak dira, jatorriz. Frantziako ordezkaritza The Brassmatics taldeak jarriko du. Erresuma Batutik The Grafitti Classics ailegatuko da, doinu gozoz. Azkenik, Samba Pa´Ti banda izango da bidaiarik luzeena egin duena hona etortzeko, Brasildik, hain zuzen ere. Bihar eta etzi, Altzagan, Astrabuduan, Leioako herrigunean eta Ondizen izango dira emanaldi ibiltariak. Argazkian, Brincadeira taldea / © Brincadeira.