Auziperatuen iritzia, ordea, haratago joan zen, polizien lekukotasunetan frogen ordez "ikuspegi politiko edo kriminalizatzeko" asmoa egon zela esanez. "Oso barregarritzat" ere jo zituzten. Halere, AAMk irakurketak tentuz egitera deitu zien (mp3) atzo gazteekin elkartasunez Algortan bildutako 160 bat auzokideei, "Espainiako auzitegietan barregarria egiten zaiguna askotan gero zer ondorioak ekartzen dituen" gogoratuta. Gaur eta bihar elkarretaratzeak izango dira Algortako Telletxe plazan, 20:00etan. Ostiralerako, berriz, manifestazioa deitu du Eleak mugimenduak, 19:30ean.
Atzoko elkarretaratzea argazkitan
Uribe Kostako 11 gazteen aurka deklarazio "oso barregarriak" egin dituzte poliziek
Atzo abiatu zen Uribe Kostako 11 gazteren aurkako epaiketa Espainiako Auzitegiko Nazionaleko Penal Aretoko Hirugarren Sekzioan. Goizeko txandan Mikel de Gregorio, Joseba Elorriaga, Mikel Rekarte, Josu Rodriguez, Aner Mimenza, Lander Labajo, Txomin Gezuraga, Zigor Goikoetxea, Batxi Galdiz, Gorka Oribe eta Jon Rosales auziperatuek deklaratu zuten, Fiskaltzak leporatzen dizkien 2004 eta 2007 bitarteko kale erasoak egin zituztela edo ETArekin loturarik izatea ezeztatzeko. Era berean, atxiloketan pairatutako torturak salatu zituzten, beste behin ere. Goizeko azken orduan eta arratsaldean, berriz, 16 polizia agertu ziren epaileen aurrean, gazteen aurka idatzitako txostenak berresteko. Amnistiaren Aldeko Mugimenduak azaldu duenez, "agerian gelditu da akusazioaren oinarria: poliziek akusatuak ezagutzen zituztela, handik ikusi zituzten… eta holakoak esan dituzte. Epaileak berak polizia bati errieta ere egin dio emandako erantzunengatik". Argazkian, atzo Algortan egindako elkarretaratzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun