Aresek Kukutzako desalojoa azalduko du arratsaldean Erandiotik
2011ko ira. 21a, 14:53
Rodolfo Ares Herrizaingo sailburuak Bilboko Errekalde auzoko Kukutza III gaztetxea husteko operazioaren inguruko azalpenak emango ditu arratsaldean. Eusko Jaurlaritzak jakinarazi duenez, sailburuak prentsaurrekoa eskainiko du 17:30ak eta 18:00ak bitartean Erandio Landako Larrauri Mendotxe Bidean dagoen Ertzain-Hirian. Berarekin batera Miguel Buen Segurtasun sailburuordea agertuko da kameren aurrean. Oharraren arabera, Ertzaintzak "Kukutza eraikina" husteko Bilboko 6. Instrukzio Epaitegiak eman dion agindua betetzeari mugatu da. Bitartean, Kukutza eta Errekaldeko atxilotuak Erandioko Ertzain-Hirira eraman dituzte. Bilboko Bilduren arabera, "diligentzien ostean askatuko omen dituzte". Argazkian, Rodolfo Ares, eskuinean, Patxi Lopez lehendakariarekin iaz Erandio Landan egindako Ertzaintza Egunean / cc-by Irekia-Eusko Jaurlaritza.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun