Gaztehgam-ek adierazi nahi du ordea disidentzia sexuala eta disidentzia soziopolitikoaren haziak
ereiten jarraitu beharra dagoela sistema basati honek inposatutako zuri eta beltzeko mundu
kontrolatuaren gainetik. Gure apustua, beste behin ere, instituzioen, politikoen eta beraien mertzenario polizialen gainetik igarotzearen aldeko apustua da. Horretarako ez dugu ez baimenik ez inoren ez ezeren oniritzirik behar. Gure maitatzeko, bizitzeko eta pentsatzeko erak euren bizi sistema zalantzan jartzen du, Kukutza III gaztetxea euren jendarte eredua zalantzan jartzen duen antzera.
Azkenik, zera adierazi nahi dugu:
1. Gaztehgam-ek Kukutza behar du.
2. Gure elkartasuna elarazi nahi dugu desalojo basati horretan atxilotuak izan diren kideekin eta beraien askatasuna eskatzen dugu.
3. Rodolfo Ares eta Ertzaintzak eragindako sarraskiaren inguruko azalpenak eta barkamenak entzun nahi ditugu. Erasorik ez erantzunik gabe!
4. Deitutako mobilizazioetan parte hartzera deitzen dugu disidentzia sexualari.
Gaztehgam-ek hurrengo egunetan izango dituen agerraldi guztietan (lehenengoa gaur, irailak 21, Donostian) Kukutzaren aldeko mezua eta desalojoaren salaketa zabaltzeko hautua hartzen du, Errekaldeko Gaztetxea bezalako eremu propio eta askeak defendatzearen beharra luzatuko dugu nonahi.
Euskal Herriko Gazteria Sexu Askapenerako Mugimendua (Gaztehgam)
Euskal Herriko Gazteria Sexu Askapenerako Mugimenduak bere ibilbide laburrean zehar behin eta berriro adierazi du ez dugula onartzen sistemaren edota estatuaren eskusartzea gure gorputzen, sexualitateen eta nortasunen gainetik. Espazio sozio-politiko eta kultural berri eta libreen aldeko apustua sendoa egin izan dugu beti nonahi eta noiznahi. Herri mugimenduak espazio horiek eraikitzen trebatu da eta espazio horiek, –fisikoak naiz ideologikoak– maitatu, aintzat hartu eta gureak egin ditugu. Kukutza III dugu horren adierazlerik garbiena. Suminduraz bizi dugu Errekalde auzoko gaztetxearen desalojoa, herri honen gazteria beharrezkoa duen eremu librea desalojatzearen erabaki instituzionala, herritarron kontrakoa, beste behin ere! Argazkian, pasa den ekainaren 23an Kukutzaren alde emandako prentsaurrekoa / cc-by-nc-sa Kukutza gaztetxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun