Bi urte geroago bigarren lana argitaratu zuten, "We Are Standard", hori ere Mushroom Pillow disko etxearekin. Disko horrei MTV Awards-en Espainiako Talderik Onenaren saria eman zioten. Ondoren, nazioarteko bira luzea hasi zuten.
Iaz, zuzeneko emanaldiei eutsi zieten, eta remix disko bat egin zuten, "The Golden League" izenekoa, hainbat artistaren parte-hartzearekin, hala nola John Talabot, CFCF, David E. Sugar edo In Flagranti. Gainera, diskoa Erresuma Batuan argitaratu zuten.
Gaur egun UFIk (Unión Fonografica Independiente) antolatutako Musika Independientearen 3. Sarien finalera heldu diren taldeetako bat da, Zuzeneko Onenaren kategorian. "Hedonismoa, ongi pasatzea eta bat egitea: horra zer den We Are Standard", diote taldekideek.
We Are Standard talde getxoztarrak kontzertua emango du astelehenean campusean
Datorren astelehenean, hilak 26, Leioa eta Erandioko campuseko ikasleei ongietorria emateko doako kontzertua eskainiko du We Are Standard talde getxoztarrak. Ekitaldia eguerdian izango da, campuseko Areto Nagusian. Era berean, emanaldi horrekin batera, BizBAK Bizkaia Bilbao Arte eta Kultura egitasmoaren aurtengo kultura-jarduerak inauguratuko dituzte. EHUk gogoratu duenez, We Are Standard bandak 2005ean FIB jaialdiak antolatutako talde berrientzako txapelketa irabazi zuen. 2006an, arreta handia sortu zuen "3.000 V 40.000 W" diskoa kaleratu zuten eta ehun kontzertu baino gehiago eman zituzten biran. Argazkian, We Are Standardeko kideak / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun