Igande goizean, berriz, 40 lagun inguru bildu ziren, Dabi Alvarez, Mario Alvarez eta Iñaki Aurrekoetxeari omenaldi beroa egiteko. Ikurrinak eskuan Atxabiribil hondartzatik abiatu ziren hiru hildako lagun eta senitartekoak. Bertan, txalapartaren soinuarekin batera irakurritako lerroetan "urte gogor hauetan galdu ditugun lagunak gogoratzeko eta maitatzeko eskubidea" aldarrikatu zuten. Horrekin batera, ziklo berri bat abian dagoela aipatu zuten non "herritarren hitza eta erabakia guztiok errespetatu behar dugun, leia politikoa inolako bortxarik gabekoa izanez". Horrela "atxilotu, espetxeratu, torturatu eta mehatxatuak izan diren eta gaur egun espetxean daudenei maitasuna eta errespetua" adierazi zuten.
Sopelan, omenaldia eta kartelez gain, Dabi, Mario eta "Sope" gogoratzeko bideoa zabaldu dute haien lagunek:
Gaur, irailak 27, Gudari Eguna izanik, hildako hiru sopeloztarren argazkiak eta biografia txikia daramatzaten kartelak itsatsi dituzte Sopelako kaleetan. Karteletan David Alvarez Peña "Dabi", Mario Alvarez Peña eta Iñaki Aurrekoetxea Zubillaga "Sope"-ren inguruko informazioa agertzen da, Sopela.net agerkari digitalak argitu duenez. David Alvarez Lemoizko zentral nuklearraren aurka ETAk egindako ekintza batean zauritu zuten eta Basurtuko ospitalean hil zen. Bere senideek "Guardia Zibilaren eskutik jaso zuen jazarpenagatik" hil zela salatu zuten. Mario Alvarez, Daviden anaia, komandoko kideekin zegoela istripua eduki zuen: granada batek eztanda egiterakoan eragin zizkion zauriak oso larriak izan ziren eta bertan hil zen. Iñaki Aurrekoetxe "Sope" erbesteratu egin zen eta Ipar Euskal Herrian gaixorik jarri zen. Gaixotasun horren ondorioz hil zen. Bitartean, Berangon ETAko kideen aldeko pankarta jarri dutela zabaldu du, bideoa eta guzti, Europa Press albiste agentziak. Argazkia: © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun