Pedro Zarrabeitia Miñaur argazkilariak egindako erakusketa egongo da ikusgai urriaren 30era bitartean Kultur Leioan. Aipatu artistak hainbat urtez jardun du disko-formako hilarriak bilatzen eta aztertzen, Franskowski, Colas eta Barandiaran bezalakoen azterketetatik abiatuz. Izan ere, horiek euskal ondare historiko eta artistikoan balio handia dute. Milaka argazkiren eta 1.153 irudiren emaitza da joan den maiatzean argitaratutako liburu interesgarria. Bertan, benetako altxorrak diren pieza horien grabatuen hondakin lauso eta enigmatikoen potentzial sinbolikoa, ikonografikoa eta artistikoa islatzen da. Erakusketa ikusgai dago astelehenetik ostiralera, 10:00etatik 20:00etara; eta larunbat, igande eta jaiegunetan 11:00etatik 14:00etara eta 17:00etatik 20:00etara. Sarrera doakoa da. Argazkia: cc-by-sa Peru, Lili eta Marije.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun