Behargintza Leioa enplegu zentroak aurtengo ikastaroetan izena emateko epea zabaldu du jada. Aipatu kurtsoak herriko langabetuentzat eta Leioan jarduera profesionala abiarazi duten edo horretarako prest dauden pertsonei zuzenduta daude. Guztira 12 dira antolatutako ikastaroak (pdf), hainbat lan merkatutara bideratutakoak: lana bilatzeko tailerra, informazio eta komunikazio teknikaria, mendekotasun laguntasuna eskaintzea, hiriko informatzaileak edo gauzainak, eraikuntzaren txartel profesionala, autoenplegua, hautaketa elkarrizketa prestatzeko tailerrak, jasomakinen erabilera, informatika presentziala, elikagaien manipulatzaileen agiria, lanbiderako alderdi pertsonalak garatzeko tailerra eta igeltserotza. Argibide gehiagorako zein izena emateko Behargintza Leioara jo daiteke. Argazkian, hainbat pertsona Behargintza Leioako ikastaro batean / © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun