Egunero zortzi bizikleta elektriko izango dira eskuratzeko moduan, zerbitzua hasi eta 20:00ak arte, Bizkaia Zubiko plazan, Bidezabalen, Faduran eta Andra Mariko kiroldegian maileguko bizikletak hartzeko dauden guneetan. Beste biak gorde egingo dira matxuratzen direnen edo mantentzen ari direnen ordez ipintzeko. Ekimen berri horren bitartez, “bizikleta maileguen zerbitzua hobetuko dugu, udalerri barruan mugikortasuna hobetuko dugu eta garraio jasangarria sustatuko dugu ere. Getxon aspaldi garraio sistema ekologiko bezala dugun bizikletaren aldeko beste apustu bat gehiago da”, dio Imanol Landa alkateak.
150 bizikleta
Gaur egun 150 bizikleta daude eskuragarri, orain sartutako 10 elektrikoez gain, udalerrian barrena bizikletak hartu eta uzteko dauden 12 guneetan: Bizkaia Zubiko plaza, Areetako Xake plaza, Gobelako kiroldegia, kirol portua, Ereaga, Salsidu Etorbidea, Fadurako kiroldegia, Andra Mariko kiroldegia, Aixerrota, Bidezabal, Algortako Telletxe plaza eta udaletxea. Bestalde, egun Getxo Bizi zerbitzuaren bazkide kopurua 3.300tik gorakoa da. Bizikleta mailegu zerbitzuko bazkide izan nahi dutenek, urtean 10 euro ordainduta, Udalaren webgunean, www.getxo.net webgunean edo Emaus giza erakundeak Itzubaltzeta / Romoko Gobelaurre kalean duen dendan eman dezakete izena.
Udalak 10 bizikleta elektriko jarri ditu Getxo Bizi mailegu zerbitzuan, "jasangarritasun eta mugikortasunaren aldeko apustuan jauzi kualitatuboa eginez". Bizkaiko Foru Aldundiak finantzatu dituen txirringa horiek, "osasunagatik, adinagatik eta horrelakoengatik esfortzurik egin ezin duten pertsonei bizikletan ibiltzea ahalbidetzen diete". "Horregatik, 55 urtetik gorakoek eta, arazo fisikoengatik, hala eskatzen duten pertsonek erabili ahal izango dituzte bakarrik, beti ere hauek guztiak zerbitzuko bazkide badira”, tokiko arduradunek aipatu dutenez. Hala ere, hamabost bat egunez, Getxo Biziren erabiltzaile guztiek eskatu ahal izango dituzte. Argazkian, Imanol Landa bizikleta berriak aurkezten hainbat zinegotzirekin batera / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun