Lutxana-Asua errepide ondoan, Carrefour merkatalgunerako zubitik gertu, kontrolik gabeko zabortegi bat dagoela salatu du Erandioko PSE-EEk. Juan Otermin sozialisten bozeramaileak azaldu duenez, "ibaitik gertu, gutxi gora behera kilometro luzeko eremuan, mota guztietako hondakinak, altzariak eta bestelako tresnak botatzen dituzte gizalegerik gabeko hainbatek; udalerrian egon badagoenean horiek jasotzeaz arduratzen den enpresa". Gauzak horrela, batetik, aipatu orubean zaintza lanak areagotzea eskatu dio Erandioko PSE-EEk Udalari, "arau-hausleak identifikatzeko asmoz". Bestalde, "partzelak hesitu beharko lituzkete tokiko lurjabeek, horietara sartzea oztopatzeko". Oterminen ustez, "arau-hausleek eta lursailak abandonatuta dituzten jabeek" ordaindu beharko lituzkete garbiketa lanak. Argazkia: © Bizkaiko PSE-EE.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun