Getxo udalerriak super-merkaturik garestienak ditu Espainiako Estatuan, gaur OCU kontsumitzaileen eta erabiltzaileen erakundeak jakinarazi duenez. Antonino Joyak gaur Bilbon emandako prentsaurrekoan azaldu duenez, etxebizitza arrunt baterako urtean egiten diren erosketek 7.390 euroko kostea dute Uribe Kostako udalerrian, bataz bestekoa eginez. Estatuan koste hori 6.804 eurotan dago. Joyak azaldu eta Efek zabaldu duenez, prezio merkeenak dituzten Alcampo eta Mercadona supermerkatuak bertan ez izateak eragiten du azterketak emandako emaitza. Era berean, Ercoreca katea "oso garestia" izateak ere eragina izan du, ikerketa maiatzean egin baitzen. Halere, katea BM nagusia den Uvesco taldeari saldu zioten abuztuak eta jabe berriak prezioak jaitsi zituen. OCUren arabera, nahiz eta udalerririk garestiena Getxo izan, bertan ere aurreztu daiteke supermerkatuen eskaintzak alderatu eta merkeena aukeratuz gero. Saskiaren prezioaren %26raino hel daiteke aurreztutako kopurua. Argazkian, Algortako Ercoreca supermerkatua erosketa baino lehen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun