Sei hilabete eta bi urte bitarteko haurtxoentzako igeriketa hiru taldetan emango dute, larunbatetan, 9:00etatik 10:15ak arte, Itzubaltzeta / Romoko Gobela kiroldegian. Saio horietan parte hartzeko beharrezkoak dira bainu-txanoa, uretako pixoihala eta flotatzen duen jostailu bat. Haurdun dauden emakumeentzako ekintzak –24 asteak gainditu dituztenentzat zuzenduak– eta erditu dutenentzat –40 eguneko badaezpadako itxaronaldia gordez– Gobelan izango dira jarduerak, larunbatetan, 10:15etik 11:00ak arte. Medikuen oniritzia izatea gomendatzen da.
Azkenik, igandeetan 10:00etatik 11:00ak arte, aisialdi izaerako hainbat ekintza egongo dira Algortako Fadura kiroldegiko igerilekuetan. 5 urte bete dituzten umeek eta gutxienez pertsona heldu baten konpainian doazenek parte hartu ahal izango dute. Horrela, izena eman duten pertsonek ur zirkuitu eta jolasez, aquagym-az, waterpoloaz, koltxonetaz eta gynkanaz gozatu ahal izango dute.
Haurdun, umetxo eta familientzako ur-jarduerak eskainiko dituzte Getxoko kiroldegietan
Getxo Kirolak udal erakundeak haurrentzako ekintzak, erditze aurreko eta ondoko igeriketa eta adingabeen familientzako aisialdi jarduerak eskainiko ditu doan urritik aurrera. Getxo Igeriketa Waterpolo Klubarekin eta lehen mailako arretarako osasun zentroen laguntzarekin antolatu dute ekimena. Hilaren 29 eta 30ean abiatuko da, eta bazkideel tokia erreserbatu ahal izango dute astelehenetik aurrera Fadura edo Gobela kiroldegietako erabiltzaileen arretarako bulegoetan. Aurreko urtean martxan egondako ekimena da eta 8,6ko batez besteko balorazioa jaso zuen parte hartu zuten 600 pertsonengandik. Alvaro Gonzalez Kirol zinegotziak azaldutakoaren arabera, “programa honen helburua haurdun dauden emakumeei, haurtxoei eta familiei osasun eta aisiaren inguruko oinarrizko hezkuntza eskaintzea da, aurrerago hauek nor bere kabuz joatera animatzeko". "Antolatutako ekintzen eta bere kabuz joaten direnen artean igerilekuetan saturaziorik ez egoteko, deialdi bat antolatzen dugu hileko azken asteburuetan”, gaineratu duenez. Argazkian, Gobela kiroldegiko igerilekuak / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun