Bihar, iraileko azken ostiralarekin, euskal preso politikoen aldeko mobilizazioak egingo dira Euskal Herri osoan, Egin Dezagun Bidea kanpainaren barruan. Besteak beste, Erandion, Erika Bilbaoren askatasuna gogoratuko dute. Izan ere, hilaren 14an urtebete pasa zen Guardia Zibilak beste zortzi euskal herritarrekin batera atxilotu zuenetik. Egun, Soto del Real espetxean preso daukate. Hartara, iluntzeko zortzietan kontzentrazioa egingo dute metro geltoki aurrean. Ondoren, pitxoak eta giro ona izango dira Hegoalde herriko tabernan. Uribe Kostako gainontzeko herrietan bezala, ordu berean, Algortako Telletxe plazan batuko dira herritarrak. Oraingo honetan, Espainiako Auzitegi Nazionalean epaitu berri dituzten 11 gazteek luzatu dute deialdia. Argazkian, Erika Bilbao iazko irailaren 14an, atxilotu zuten guardia zibilez inguratuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun