Getxoko Udalak etxez etxe banatu berri du liburuxka informatiboa Larrañazubin dagoen Ingurumen Aretoa ezagutzera emateko asmoz. Bere helburua da, batez ere, getxoztarrak bertatik igaro daitezen, bereziki asteburuetan, tokiko arduradunek adierazi dutenez. Aretoak lau urte baino gehiago darama bere jarduera eskaintzen, bai ikasleei, bai interesatuta dauden pertsona guztiei. Ingurumen arloko informaziorako eta sentsibilizaziorako zentroa da eta bere helburu nagusia "geure inguruan garapen jasangarri bat sustatzea eta horretarako beharrezkoak diren jarraibideak ematea" da. 2007ko urrian zabaldu zenetik gaur arte 14.500 lagunetik gora pasa da zentrotik, udal iturrien arabera. Argazkian, txori bati eraztuna jartzen Boluen / © Getxoko Udala.
Getxoko Ingurumen Aretoa arlo horretako informaziorako eta sentsibilizaziorako ekipamendua da, Getxoko Udalaren eta Europako Kohesio Funtsaren arteko lankidetzaren emaitza eta Cespa enpresak kudeatuta. Gizartean ingurumen arloko problematika ezagutzera eman eta Getxoko eta inguruko herrietako bizilagunen artean garapen iraunkorra ahalbidetzeko jarduerak sustatzeko helburuarekin sortu zen. Zentroa Larrañazubin dago, Bolueko hezegunetik gertu eta hiri-hondakin solidoen transferentzia zentrotik metro gutxira. Azken hori aretoko bisitaren barruan dago sartuta. Bisitarientzako ordutegia honako hau da: astelehenetik ostiralera, 10:00etatik 14:00etara eta 16:00etatik 18:00etara; larunbat, igande eta jaiegunetan, 10:00etatik 14:00etara.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun