Bigarrenez luzatu dute Plentziako Alde Zaharra Birgaitzeko Planari helegiteko epea

Atzo, osteguna, egin zen osoko bilkuran, Alde Zaharra Birgaitzeko Plan Bereziaren jendaurreko informazio eta helegiteak egiteko epea luzatzea onartu zuen Plentziako Udalbatzak. Ez da lehenengo aldia erabaki hori hartzen dutela. Aurretik ere luzatuta zeukaten epea. Oraingo honetan urriaren 14ra arte izango da helegiteak aurkezteko aukera. Bilduk aipatutakoaren arabera, "mozioak independenteen artean kontraesanak eta tirabirak sortu zituen". Izan ere, Isamari Zarauza alkatea buru duen taldeko lau zinegotzietatik bi izan ziren kontra bozkatu zuten bakarrak. Mozioarekin batera, Alde Zaharreko auzokideei planari buruz informatzeko eta zalantzak argitzeko beste proposamen batzuk azaldu zituen Bilduk, helegiteak ahal diren modurik hoberenean aurki ditzaten: planari buruzko gidatxo bat argitaratzea edo proiektua diseinatu zuen arkitektoarekin batzarrak izatea, besteak beste. Argazkian, Plentziako Artekale kalea / © Plentzia, Gorliz eta Lemoizko ezker abertzalea.