Bestalde, aurreko urtetan bezala, lehiaketa bidez aukeratu dute Durangoko Azokaren berri emango duen irudia. Aurten 28 aurkeztu dira lehiaketara, eta irabazlea Cristobal Aguilo Dominguez izan da. Murtziarra da eta diseinatzaile grafikoa ikasketaz eta lanbidez. Gaur egun Murtziako publizitate agentzia bateko lanak "freelance" lanekin uztartzen ditu. 2011n Durangoko Azokaz harago, lau kartel lehiaketa irabazi ditu: Cartagena eta Miguelturrako (Ciudad Real) inauterietakoak eta Badajoz eta Soriako San Juan jaietakoak.
Durangoko Euskal Liburu eta Disko Azokako bi osagai nagusiak uztartzen saiatu da kartelean: liburua eta diskoa. Binilozko diskoa oinarri hartuz sortu du irudia: liburu bat irakurtzen dabilen pertsonaia. Lehiaketaren epaileak hauek izan dira: Lur Merinio artista plastikoa eta 44. edizioko kartelaren egilea, Pedro Mari Basañez arkitektoa eta Arte Ederretako irakaslea, Javier de la Torre arkitektoa, Txelu Angoitia argazkilaria eta Jasone Agirre Gerediaga Elkarteko kidea.
Galegoa izango da Durangoko 46. Euskal Liburu eta Disko Azokaren kultura gonbidatua
Durangoko Euskal Liburu eta Disko Azokaren 46. edizioa iragarriko duen kartela aurkeztu du gaur, urriaren 3an, Gerediaga Elkarteak, azokaren antolatzaileak. Gainera, abenduaren 4tik 8ra egingo den azokan galegoa kultura gonbidatua izango dela ere jakinarazi dute. Culturgal elkartearekin elkarlanean, sortzaile euskaldunek eta galegoek elkarrekin parte hartuko duten ekimenak sustatuko dira azokarako eta egitaraua osatuko da. Horretarako, Galiziako Xuntak sustatutako Agadic industria kultural galegoen agentziaren laguntza izan da. Culturgal Elkarteak Galiziako industriari kulturalari eskainitako azoka antolatzen du urtero. Aurten abenduaren 2tik 4ra egingo dute Pontevedran. Argazkian, Cristobal Aguilo aurtengo kartelaren egilea / © Durangoko Azoka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun