Beraz, gogo izanez gero oso erraza da zuen sorkuntza Durangoko Azokan jarriko dugun gunean izatea. Idatzi e-mail bat (eskertuko genuke urriaren 15a baino lehen bidaltzea) azoka@topatu.info edo topatu@gmail.com helbidera.
Emailean, ondorengo gauzak agertu behar dira:
- Titulua
- Mota
- Egilea
- Urtea
- Herria
- Herrialdea
- E-maila
E-maila irakurri ondoren zuekin harremanetan jarriko gara e-mail bitartez.
Oharra: idatzizko sorkuntzak badira, euskaraz idatziak izan behar dute.
Ea guztion artean gazteon sorkuntzaren txoko aberasgarri bat osatzen dugun!
Topatu.info
Topatu.info: "Gazteok gure sorkuntzak Durangoko Azokan jartzeko aukera izango dugu!"
Euskal Herriko gazteok sormena garatzeko dugun gaitasuna agerian geratu da urtez urte. Baina, gazte sormenak argitaletxe edota diskoetxetan, zinema aretotan edota arte galerietan lekurik ez duela ikusi dugu gehienetan. Askotan ikusi dugu ekonomikoki errentagarria den ala ez begiratzen dutela soilik. Horregatik gazte sortzaileentzako aukera eskaini nahi dugu. Zuen poesiak, ipuinak, animazioak, abestiak, fanzineak edota artelanak plazaratu ahal izateko tresna eta gunea izango da Durangoko Azokako Gazte Sorkuntza gunea. Dei berezia egin nahi diegu ere gaztetxe, gazte asanblada eta gazte mugimenduko eragile ezberdinei sortu dituzten gauzak bertara eramateko (aldizkariak, dvd-ak, diskoak…). Argazkia: © Durangoko Azoka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun