Getxoko Kultur Etxeak deialdia ireki du 2012an tokiko artistek beren lanak Torrene aretoan erakutsi ahal izateko
Getxoko Kultur Etxeak deialdia ireki berri du 2012an tokiko artistek Algortako Torrene kaleko erakusketa-aretoan beraien lanak erakusteko aukera izan dezaten. Ekimen horren bidez, bertoko artisten parte-hartzea bultzatu eta euren lana areto berrian ezagutzera eman nahi da, tokiko iturriek aipatu dutenez. Interesatuek azaroaren 30era arte egin dezakete eskabidea Algortako kultur etxean, eta jasotako eskabide guztien artean, hiru proposamen hautatuko ditu artean adituez osatutako epaimahai batek. Arlo artistikoko erakusketak egiteko Torrene aretoa erabiltzeko eskaera egin dezakete adin nagusiko artista guztiek, Getxon jaio, bizi edo beren lan-jarduera udalerrian egiten dutela egiaztatuta. Halaber, interesdunek egin nahi duten proiektuaren banakako edo taldekako proposamena aurkeztu beharko dute. Plangintza garaiz egin ahal izateko helburuarekin, erakusketa-proiektuak azaroaren 30era arte aurkeztu ahal izango dira. Eskabidea egiteko inprimakiak Algortako Kultur Etxean jaso daitezke edo www.getxo.net udal web orrian deskargatu. Argazkian, Algortako Torrene Aretoaren aurkezpena, 2010eko ekainaren 3an / © Getxo.net.
Eskatzaileek, banakoek zein taldekakoek, proposamen bakarra aurkeztu dezakete eta, taldekako erakusketa bat proposatu nahi izanez gero, talde-eskatzailea osatzen duten kide guztiek Getxorekin lotura dutela egiaztatu beharko da. Deialdiaren ebazpena eskatzaile guztiei jakinaraziko zaie abenduan. Proiektu irabazleak hautatu ondoren, erakusketa-datak erakusketariaren eta Getxoko Kultur Etxearen artean hitzartuko da. Erakusketa bakoitzak hilabete iraungo du, gutxi gorabehera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun