Mireia Perez (Valentzia, 1984) ilustratzaile eta komigile gaztea da. Bere lehenengo eleberri grafikoak, "La muchacha salvaje"k (Sins Entido) FNAC-Sins Entido 2010 Lehiaketa irabazi zuen. "El Jueves", "El Manglar" eta "El Estafador" aldizkarietan argitaratu ditu lanak eta "Ultrarradio" (Mortland, Transdimensional Express, Hundlebert Syndrome) argitalpen-kolektiboaren kidea da. Halaber, "El Pais" eta "Media Vaca"-rako egin du lan. Observatori ikerketa artistikoaren instituturako eta La Cabina ertaineko iraupeneko film jaialdirako ere egin du lan diseinatzaile gisa.
Manuel Bartuali (Valentzia, 1979) dagokionez, komikigile eta diseinatzaile graikoa da. "¡Escucha esto!" web-komikiaren egilea da eta "Sexorama" seriea argitaratzen du Espainian (El Jueves), Frantzian (Fluide Glamour) eta Italian (Linus). Gainera, "El Manglar" komiki aldizkarian eta ikus-kulturaren "Nomagazine" online magazina zuzendu zituen. Diseinuaren arloan, El Pais, Santillana, Astiberri, Sins Entido, Dibbuks eta Es Pop argitaletxeentzat lan egin du, besteak beste. Bere azken proiektua "¡Caramba!" da, Alba Diethelmekin sortutako umore komikian espezializatuta dagoen argitaletxea independientea, hain zuzen ere.
Mireia Perez eta Manuel Bartual komikigile valentziarrek egin dute Getxoko Komiki Azokaren kartela
Getxoko X. Komiki eta Manga Azokak badu kartela, Mireia Perez eta Manuel Bartual komikigile valentziarrek eginikoa. Egile biek bertan parte hartuko dute, azaroaren 25etik 27ra. Ohi bezala, azoka Areetako Xake plazan izango da eta hiru egunez hainbat saltoki eta biñetaren munduaren inguruko jarduerak hartuko ditu. Aurten 80 bat salmenta-postu egongo dira eta, horietan, komiki-dendek, argitaletxeek, banatzaileek, fanzineek eta aldizkariek azken nobedadeak eskainiko dituzte. Halaber, hainbat ekitaldi egingo dira azokan: hitzaldiak, proiekzioak, nobedadeen aurkezpenak, tailerrak, erakusketak eta sinatze-txandak, besteak beste. Argazkia: © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun