Era berean, publizitatearen esparruan izandako berrikuntzak eta irrati eredu berriak komunikazio aukera gisa ere mintzagaiak izango dira. Laburbilduz, "ikuspuntu akademiko batetik egindako gogoeta sakon eta zabala, irratiaren inguruko gogoeta, alegia" izango da, antolatzaileen arabera bi jardunaldien emaitza. Izan ere, Ikus-entzunezko Komunikazioa eta Publizitate Saileko kideek zabaldu dutenez, "irratia, gaur egungo komunikabideen unibertsoan bere lekua aurkitzeko 'berritu ala hil' esaera beregain hartu duen komunikabidea" da.
Behin-behineko egitaraua
Azaroak 24, osteguna
• Pedro Barea Monge EHUko Ikus-entzunezko Komunikazioa eta Publizitate Saileko katedratikoa: "Utopia te guarde Dios".
• Tim Wall Birmingham Centre for Media and Cultural Research-eko Irrati eta Herri Musika Ikerketen irakaslea: "Welcome to the third age of radio: understanding radio’s present from radio’s past".
• Kilian Sebria Catalunya Ràdio-ko "Catalunya Vespre"-ren aurkezle eta editorea: "Si hay sonido, hay noticia. La búsqueda de una nueva identidad radiofónica".
• Mahai-ingurua: "Radio y Fútbol: una relación simbiótica".
Azaroak 25, ostirala
• Pedro Martinez Pirez Radio Cuba-ko Informazio zuzendaria eta zuzendariorde nagusia: "La radio en Cuba. Una experiencia en movimiento".
• Juan Carlos Ortega SER katearen "La Ventana" eta RNE-ko "No es un día cualquiera" eta "Abierto hasta las dos"-eko kolaboratzailea: "¿Qué es exactamente la radio?".
• Anjel Alkain eta Aitor Gabilondo Radio Euskadiko "Antes de mirar, cruzar" saioko lokutoreak.
• Javier Gallego RNE3ko "Carne Cruda"-ko zuzendaria: "Afilando la radio".
• Mahai-ingurua: "Otras voces, otros ámbitos. La Radio desde la pluralidad".
EHUko Ikus-entzunezko Komunikazioa eta Publizitate Sailak antolatuta, "Radio is Dead. Long live Radio" (Hil da Irratia. Gora Irratia!) lelopeko nazioarteko kongresua hartuko du Leioako campusak azaroaren 24 eta 25ean. Ikus-entzunezko Komunikazioa eta Publizitate Nazioarteko Kongresuak irratiaren egoeraren azterketa sakona egitea du xede, mundu mailan gaur egun ematen den komunikazio-testuinguruaren barnean. Bi egunetan zehar, irratiaren inguruan hitz egin eta eztabaidatuko da. Hala, irrati interaktiboaren dinamika berriak aztertzeko aukera izango da, komunikabide horrek teknologi aldaketekin batera nola moldatzen eta birdefinitzen joan den ikusteko aukera ere izango da, bai eta ekoizpen prozesuetan eta profesionalen zereginetan izandako aldaketen inguruan. Argazkian, Koska Uribe Kostako irrati librearen estudioak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun