Herri zerbitzu osoak ondoko geltokiak hartuko ditu:
joaneko bidaian, Sopelmar, Arrietara, Larrabasterrako metro geltokia, anbulatorioa, San Pedro eliza, Udaletxeko plaza (Urbaso), Nagusien Etxea eta haur eskola. Bueltakoari dagokionez, haur eskola, Nagusien Etxea, Udaletxeko plaza (Urbaso), San Pedro eliza, anbulatorioa eta Sopelmar. Salneurriei buruz, udako ordutegiko berberak izango dira, hau da, bidaiak 0,50 euro eta 12 bidaietako bonuak 5 euro.
Sopelbus garraio zerbitzua urte amaierara arte luzatu egin du tokiko Udalak. Asmoa urte osoan mantentzea da eta, horrenbestez, aukera hori aztertuko dute 2012ko aurrekontuetan. Udakoekin alderatuta, hainbat aldaketa izango dira neguko ordutegi eta ibilbideetan. Horrenbestez, autobusa ordutegi tarte ezberdinetan ibiliko da, sopeloztarren udalerriz kanpoko lan desplazamenduetara egokitzen ahaleginduz. Batetik goizeko 7etatik 8etara, Sopelmarretik irten, Arrietara hondartzatik pasatu eta Larrabasterrako metro geltokira arte helduko da, joan eta etorri. Bi gune horiek metro geltokiarekin lotzeko zerbitzua da, 15 minuturo. "Garraiobide publikoaren erabilera sustatu asmo du, pribatuaren aurrean, goizean goiz", udal iturriek zehaztu dutenez. Goizeko 8etatik 10etara, berriz, herri zerbitzu osoa eskainiko du, Sopelmarretik 30 minuturo irtenda; baita 13:30etik 15:30era eta 18:30etik 20:30era ere. Argazkia: © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun