Uribe Kostako Zerbitzu Mankomunitateak biltzen dituen udalerrietan, euskaraz hitz egiteko ohitura dutenak eta ez dutenak elkartzea da asmoa, gure hizkuntza praktikatzeko, hobetzeko edota plazara ateratzeko, tokiko iturriek adierazi dutenez. Ekimen horretan, lau pertsona inguruko taldeak osatuko dituzte, euskaldun zaharrak eta berriak nahastuz. Astean ordu betez geratzea adostuko da hasieran: taldekideek beraiek, aukeratuko dutelarik non eta noiz gelditu, zer egin. Horrez gain, berbalagunak bilduko dituzten ekintzak ere egongo dira: irteerak, afariak…modu honetan, euskararen harreman sareak gehiago zabalduz.
Aurkezpenak herriz herri:
- Gorliz: urriak 10, astelehena, 19:00etan, Teresiano eraikuntzan.
- Plentzia: urriak 11, asteartea, 19:00etan, Goñi Portalen.
- Sopela: urriak 13, osteguna, 19:00etan, Kurtzio Kultur Etxean.
- Urduliz: urriak 14, ostirala, 19:00etan, kultur etxean.
- Berango: urriak 18, asteartea, 18:30ean, Berangoeta kultur etxean.
- Lemoiz: urriak 19, asteazkena, 19:00etan, liburutegian (Armintza).
- Barrika: urriak 21, ostirala, 20:00etan, Ander Deuna aretoan.
Uribe Kostako Berbalagun ekimenaren aurkezpenak datorren astean hasiko dituzte
Martxan da aurten ere Uribe Kostako berbalagun egitasmoa eta bertan parte hartu nahi duenak zabalik dauka jada izena emateko epea. Nahi dutenek 605 773 541 (Irantzu) telefono zenbakira deitu beharko dute edo berbalagunuribekosta[abildua]hotmail.com e-postara mezua bidali. Horrekin batera, datorren astean abiatuko dira herriz herriko aurkezpenak. Astelehenean, urriak 10, Gorlizko Teresiano eraikuntzan egingo dute saioa. Eta astearte, ostegun eta ostiralean, Plentziako Goñi Portalen, Sopelako Kurtzio Kultur Etxean eta Urdulizko kultur aretoan, hurrenez hurren. Horiek guztiak 19:00etan izango dira. Ondorengo astean izango dira Berango, Lemoiz eta Barrikako aurkezpenak. Argazkian, berbalagunak ardo eta gazta dastaketa ikastaroan / cc-by-nc Berbalagun Uribe Kosta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun