Leioako Berbalamiñe euskara taldearekin batera herriko zenbait elkartek antolatu dutel biharko Txitxiburruntzi Jaia: Gure Ohiturak dantza taldea, Txomin Arestiko guraso elkartea, Txikiak dantza taldea, Lamiako Maskarada, AEK, Sanbartolome jai batzordea, Txopera jai batzordea, Lamiako jai batzordea, Udondo jai batzordea, Leioako Gazte Asanblada, Betiko ikastola... eta beste zenbait elkarteren laguntza ere jaso dute.
Egitaraua:
• 11:00etan, jaiaren hasiera. Dultzaineroak Lamiako eta Txoperatik. Ordu berean, umeentzako tailerrak hasiko dituzte.
• 12:30ean, euskal dantzen erakustaldia Gure Ohiturak eta Txikiak dantza taldeen eskutik. Aire, aire!
• 13:00etan, txitxiburduntzi jana. Has gaitezen tripa betetzen...
• 14:30ean, larrain dantza herrikoia. Oraindik ikasi barik?
Egunean zehar euskararen aldeko mezuak jasoko dituzte, euskararen egunean, alegia, abenduaren 3an, zerbait berezitxoa egiteko. Eroan zeurea.
Egun osoa hartu behar zuen biharko Txitxiburruntzi Jaiak Lamiakon. Baina, azken orduko arazoak direla eta, bertan behera geratu dira herri bazkaria eta erromeria. Leioako Berbalamiñe euskara taldeak adierazi duenez, bazkarirako txartelak erosi dutenak lasai egon daitezke, dirua itzuliko baitzaie. Bitartean, goizeko egitarauarekin aurrera jarraituko dute. Horrenbestez, goizeko 11etan emango diote hasiera jaiari. Ordu horretan, Lamiako eta Txoperatik ibiliko dira dultzaineroak. Ordu berean, umeentzako tailerrak hasiko dituzte. 12:30ean, berriz, euskal dantzen erakustaldia izango da Gure Ohiturak eta Txikiak dantza taldeen eskutik. Ordu erdi beranduago txitxiburduntzi jana egingo dute. Azkenik, 14:30ean, larrain dantza herrikoia egongo da. Argazkian, aurreko urtetan San Bartolome auzoan egin dute Txitxiburruntzi Eguna.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun