Uribe Kostako Bildu koalizioak "KutxaBank: Bilduren jarrera" lelopeko hitzaldia emango du bihar, astelehena, Algortan. Hitzordua arratsaldeko 7:30ean jarri dute, Villamonte kultur etxean. Izan ere, pasa den irailaren 13an, soberanisten eta independentisten koalizioak akordio bat hitzartu zuen BBK, Vital eta Kutxa aurrezki kutxen bat-egite hotza errazteko. Bilduk orduan azaldu zuenaren arabera, hitzarmenari esker "gizarte ekintza bermatua geratzen da", "pribatizazioari ate guztiak itxi dizkiogu" eta "azkenik, langileen aldarrikapenak geure egin ditugu eta zehazki gehiengo sindikalarenak, hiru Euskal kutxetako lehendakariekin lorturiko akordioan hauen aldarrikapenak jaso dira eta hortaz Euskal banku publiko berri honek langileek lan negoziazio esparruaren inguruan hartzen duten erabakia errespetatzea jasotzea lortu eta bermatu dugu". Halere, koalizioak kritika gogorrak jaso zituen ELA sindikatuaren aldetik eta LABek ere ez zuen baiezkoa eman, BBKko batzarrean kontran bozkatu zuela eta Vitalen eta Kutxan abstenitu zela. Argazkian, Juan Karlos Izagirre Donostiako alkatea eta Martin Garitano Gipuzkoako diputatu nagusia Bilduren izenean kutxen zuzendaritzekin egindako akordioa azaltzen / cc-by-sa Bildu.info.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun