Hondakinei dagokienez, 2011n, 11,8 kilogramo hondakin bildu zen, Arrietara-Atxabiribil hondartzara joan zen 100 pertsonako. Datu hori azken lau denboraldietako baxuena da. Gainera, edukiontzi horietan birziklatutako hondakinen ehunekoak gora egin zuen %10,75 arte. Datu hori positiboa da 2010 urtearekin alderatuta, baina baita aurreko denboraldiekin konparatuta ere, "ehuneko hori askoz altuagoa izan baitzen", tokiko iturrien arabera.
Bainurako uraren kalitatea astero neurtu zuen Eusko Jaurlaritzako Osasun eta Kontsumo Sailak. Neurketa horietan guztietan, bere kalitatea "bikaina" izan zen.
Autobusez
Erabiltzaileek ingurumenarekiko eduki zuten portaera on hori Sopelara gerturatu ziren moduan ere eragina izan zuen. Aurten, iraileko asken asteko datuen faltan, Sopelbus zerbitzua erabili zuten 72.281 pertsonek, hau da, joan-etorri guztien %9,43a.
Datu positibo horiei Arrietara-Atxabiribil hondartzak eskuratutako ISO 9001 eta ISO 14001 ziurtagiriak gehitu dizkiote udal arduradunek, "kalitate eta ingurumen arau zorrotzek" hondartzaren kudeaketan egindako lana "aitortu egiten dutela".
Turismo bulegoak
Beren aldetik, Sopelako Turismo bulegoek 8.137 bisita jaso zituzten, udan. Horrela, azken urteotako jendearentzako arreta zerbitzuaren kopuruak gora egin zuen berriz ere. 2009an, 5.345 pertsona hurbildu ziren bulegoetara eta iaz, ordea, 6.920 izan ziren.
Pasa den irailaren 30ean amaitu zen 2011ko hondartza denboraldia Bizkaian eta dagoeneko Sopelako Udalak horren balantzea aurkeztu du. Udal datuen arabera, 383.520 pertsonek egin zioten bisita Arrietara-Atxabiribil hondartzari, ekainaren eta irailaren arteko hilabeteetan. Gauzak horrela, erabiltzaileen kopurua %58a baino gehiago handitu da iaztik hona. Halaber, Udalak azpimarratu du erabiltzaileek "ingurumenarekiko eduki zuten jarrera ona". Ildo horretatik, uraren kontsumoa pertsonarekiko nabarmen jaitsi egin zen. 2010eko denboraldian zehar, hondartza bisitatu zuen pertsona bakoitzak bataz besteko 8,74 litro ur kontsumitu zituen. 2011n, zenbaki hori jaitsi egin zen: 3,36 litro pertsona erabiltzaile bakoitzeko. "Ura arduraz erabili, tantaz tanta agortzen da eta" kanpainak Turismo bulegoen bitartez banatutako hondartzara eramateko kantinplorek "harrera oso ona" eduki zuten. Argazkian, Arrietara hondartza / © Joseba Zubiaur - Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun