Bi astetan zehar hainbat motako ikuskizunak izango dira. Kalean, Shakespearen unibertsora era originalean gerturatzen den "Udamina" ikuskizuna eta "Anomalia magnetica" gizartearen porrota ardatza duen lana izango dira ikusgai. Halaber, "Hienas rellenas" obra barregarriak zoritxarrean bizi diren hiru pertsonaien istorioa kokatuko du, eta "MANIAtic@s" lanak antzerkia eta umorea uztartuko ditu. Haurrentzako eskaintzari dagokionez, bi txotxongilo lan izango dira: "Libertia" eta "Leihotik mundura". Lehenengoak, helduentzat ere egokia, bidaia fantastikoa proposatzen du; bigarrenean, poesia eta umorea uztartzen dira. Pailazoak ere ez dira faltako "Beldurraren etxea" lanari esker eta, azkenik, "¿Quien ha visto a Dulcinea?" antzezkizun originalak On Kixoteren pasadizo ezagunenetako batzuk moldatu ditu haurren gozamenerako. "Oilaskotxea" eta "Camping Renove" adin guztientzako kale ikuskizunek osatuko dute jardunaldien eskaintza.
Sarrerak salgai
Andres Isasi Musika Eskolako emanaldiak ordaindu egin beharko dira, eta sarrerak, BBKren orotarako kutxazainetan, www.bbk.es web-orrian, Algortako kultur etxean, aretoan bertan ikuskizuna hasi baino ordu bat lehenagotik, eta 944 310 310 eta 944 914 080 telefono zenbakietan erosi daitezke. Gainontzeko emanaldietarako sarrerak doan izango dira.
Antzerki jardunaldietan taularatuko dituzten obretako batzuk (© Getxoko Kultur Etxea)
Getxoko Antzerki Jardunaldiek hamar muntaia eskainiko dituzte urriaren 14tik 23ra
Getxoko Antzerki Jardunaldiak 29. ediziora iritsi dira aurten eta, beste behin, euskal antzerki ekoizpenaren erakusketa bat eskainiko du. Urriaren 14tik 23ra, Algortako Telletxe plazan, Andres Isasi Musika Eskolan eta Areetako Xake plazan izango diren agertokiek hamar muntaia eskainiko dituzte, haietako sei haurrentzat. Jardunaldien egitarauak zaletasun guztiak asetzea du helburu eta genero anitzak bilduko ditu, adin guztientzat, aire zabalean zein estalpean, euskaraz (antzezlanen erdia) eta espainolez, Getxoko Kultur Etxeko iturriek jakinarazi dutenez. Getxoko XXIX. Antzerki Jardunaldietatik igaroko diren taldeak Gaitzerdi, Malas Compañias, Organiks, Hortzmuga, Kukubiltxo, Markeliñe, Trapu Zaharra, Coloniales y salazones, Hipo eta Tomax eta Agerre Teatroa dira. Argazkian, Gaitzerdiren "Udamina" antzezlanarekin abiatuko dituzte jardunaldiak / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun